На працягу апошніх дваццаці гадоў 21 лютага ва ўсім свеце адзначаецца Міжнародны дзень роднай мовы. Ён заснаваны ЮНЭСКА па ініцыятыве Бангладэш. Свята ўзнікла дзеля таго, каб папярэдзіць знікненне ўнікальных гаворак і захаваць моўную разнастайнасць, падтрымаць нацыянальныя культуры, а таксама забяспечыць права кожнага чалавека на карыстанне роднай мовай. Міжнародны дзень роднай мовы падштурхоўвае нас задумацца аб месцы матчынай мовы ў нашым жыцці, яе захаванні і перадачы наступным пакаленням.

Усе мерапрыемствы былі падпарадкаваны мэце: садзейнічаць папулярызацыі і пашырэнню сферы выкарыстання беларускай мовы ў дзіцячым калектыве; развіваць пазнавальную актыўнасць да роднай мовы і маўленне ў розных відах дзіцячай дзейнасці; выхоўваць любоў і моўнае чуццё да роднай мовы.

Раніцай для бацькоў правялі акцыю "Размаўляй па- беларуску!", падчас якой законныя прадстаўнікі выхаванцаў удзельнічалі ў пазнавальнай віктарыне "Перавядзі і далей ідзі". Бацькі перакладалі цікавыя і незвычайныя словы з рускай мовы на беларускую на працягу абмежаванага часу. На памяць аб гэтай акцыі, бацькам, спецыялісты паднеслі календары з незвычайнымі словамі на беларускай мове.

У малодшіх групах перавага аддавалася мастацкаму слову – пацешкам, забаўлянкам, казкам, вершам; у старшай групе беларуская мова ўжывалася ў розных гульнях (рухомыя гульні, гульні-драматызацыі, гульні-дыялогі, гульні-разважанкі, гульні-падказкі і г.д.). Выхавальнік групы № 6 арганізавала для дзяцей паказ лялечнага тэатра па беларускай народнай казцы «Зайкава хатка».

У сярэдніх групах арганізаваны заняткі па адукацыйнай галіне "Мастацкая літаратура", чытанне паэтычных твораў беларускіх пісьменнікаў "Ветлівыя словы", Т. Кляшторная, "Беларусачка", А. Бадак, "Буславы боты", В. Гардзей.

Выхаванцы старэйшых груп удзельнічалі ў літаратурнай віктарыне "Падарожжа ў беларускую мову".

Кіраўнік фізічнага выхавання правяла з выхаванцамі сярэдніх і старэйшых груп фізкультурныя заняткі "Падарожжа па беларускіх гульнях".

Сумесна з бацькамі выхаванцы аформілі сцэнгазету "Размаўляй па- беларуску!".

У інфармацыйна-метадычным кабінеце арганізавана выстава мастацкай літаратуры для педагогаў і дзяцей дашкольнага ўзросту беларускіх аўтараў.

Такім чынам, беларуская мова гучала ва ўсіх узроставых групах на працягу дня. Дні роднай мовы даюць магчымасць напомніць пра тое, што мы – беларусы, а нашай роднай мовай з'яўляецца беларуская. Гэта тое невычэрпнае багацце, якое перадаецца нам з пакалення ў пакаленне і суправаджае нас усё жыццё.